Уку дәрьясында

"Татарча диктант-2025"

Ноябрь ае – икенче чирекнең беренче ае. Рәхәтләнеп ял итеп килдек тә, хәзер тырышып укыйбыз, илһамланып иҗат итәбез, бәйгеләрдә катнашабыз. Кемдер олимпиадаларда көч сынаша, кайберәүләр иҗади бәйгеләрдә җиңә, икенче берәүләр спорт ярышларында гимназиябез данын яклый. Шул рәвешле без гимназиябез исемен район һәм шәһәр бәйгеләрендә яңгыратабыз.

Без "Татарча диктант-2025" акциясендә катнаштык.

14 нче ноябрь көнне гимназиядә татар телендә грамоталылыкны тикшерү буенча бөтендөнья «Татарча диктант» акциясе башланып китте. Диктантны язуда без дә үз көчебезне сынап карадык.

Ел саен уздырыла торган "Татарча диктант" акциясе грамоталы язуны арттыруга, әдәби татар телен белүгә, орфографик һәм грамматик хаталарны тикшерүгә юнәлтелгән.

Без бик тырыштык һәм татар теле грамматикасы буенча яңа күнекмәләр алдык.

9 нчы сыйныф укучылары