Уку дәрьясында

Фәнни ачышларга юл гимназиядән башлана

Бүгенге җәмгыять һәркемнән тормышның төрле тармакларында булган мөһим мәсьәләләрне мөстәкыйль чишүне таләп итә. Шушы максатка ирешү өчен, үз эшчәнлегеңне дөрес оештыра белергә кирәк. Гимназия укытучылары, сәләтле укучылар белән эшләгәндә, уку предметларын төрле яклап үзләштерүгә басым ясыйлар. Шундый чараларның берсе – фәнни-гамәли конференцияләрдә катнашу. Конференцияләрнең төп максаты сәләтле укучыларны эзләнү эшенә, фәнни эшчәнлеккә җәлеп итүдән, укучыларда интеллектуаль фәнни-тикшеренү күнекмәләре формалаштырудан, сәләтле балаларның үсеше өчен шартлар тудырудан гыйбарәт.

Фәнгә юл – гимназия бусагасыннан башлана. Безнең гимназиядә сәләтле укучылар күп. Кешенең теләге булса, ул барлык авырлыкларны да җиңеп чыга. Фән белән кызыксыну – җитди эш, ул  зур хезмәт, тырышлык таләп итә. Тырышлыкларның нәтиҗәсе дә бар, март ае зур уңышларга бай булды.

17 нче март көнне гимназиябез укучылары "Фән көннәре" XIII шәһәр фәнни-гамәли конференциясенең "Әдәбият һәм сәнгать" секциясендә катнаштылар. Кыямова М., Галимуллина Ә. – җиңүчеләр булса, Кошаев Ә., Давидова З., Җиһаншина К. Призер дәрәҗәсенә ирештеләр. Анисимов И.,Усынин А.,Закиров М. гимназия данын яклауда үзләреннән зур өлеш керттеләр. Укучыларны конференциягә гимназиябезнең рус теле һәм әдәбияты укытучысы Шафикова Ч.А. әзерләде.

“Фән дөньясы” конференциясендә катнашу да гимназиябезгә җиңү китерде: Абдуллина З. укытучысы Корбанова З.Р. җитәкчелегендә 3 нче урынга лаек булды. 3в сыйныфы укучылары да бу чарада үзләренең беренче ачышлары турында сөйләделәр.

Быел да гимназия укучылары “Парламент дәресе” проектында катнаштылар һәм елдагыча сочинениеләр бәйгесендә җиңү яуладылар. Рус теле һәм әдәбияты укытучысы Л.Н. Зергирова җитәкчелегендә Грузинова А., Гарифуллин Ә. зур уңышларга ирештеләр.

11 “А” сыйныфы укучысы Һадиева Дилә