Уку дәрьясында

Һәр укучы мәктәпкә белем диңгезен гизәргә, эзләнергә, яңа белемнәр тупларга дип килә. Берәүләр иҗат белән шөгыльләнгән арада, икенчеләр фән дөньясында йөзәләр.

Фән яратучы укучыларның яраткан шөгыле – фәнни-гамәли конференцияләр.  Февраль-март айлары аеруча фәнни-гамәли конференцияләргә бай.

Р. Миңнуллин, Т. Миңнуллин, А. Алиш, З. Хөснияр, Толстой, К. Насыйри  исемендәге һ.б. конференцияләр бар. Алар һәрберсе укучыларның эзләнү-тикшеренү, фәнни эш язу сәләтләрен үстерүгә юнәлдерелгән.

Безнең гимназиябез укучылары да бу чараларда бик теләп катнашалар.

131 нче мәктәптә узган “Дни науки” конференциясендә гимназиябез укучысы Сөләйманова София 1 нче урын яулады. Шулау ук Рәхмәтова Мәдинә һәи Закирова Ильвина да уңышлы чыгыш ясадылар.

Укучыларыбыз “Насыйри укулары” I төбәкара  фәнни-тикшеренү конференциядә дә бик уңышлы катнаштылар.

Урта сыйныф укучылары туган ягыбыз, Яңа бистә тарихы, аның бөек шәхесләре турында фәнни эшләр яздылар. Икенчеләре әсәрләр, шигырьләр иҗат иттеләр. Башлангыч сыйныф укучылары нәфис сүз осталыгын күрсәттеләр.

2 нче сыйныф укучылары Галимуллина Әминә II урын, ә Мальцев Даниил I урын, 9 нчы сыйныф укучылары Әхәтова Айгизә II урын, ә Әхмәдиева Адилә III урын, 8 нче сыйныф укучысы Фәттахова Камилә III урын алдылар.

Укучыларыбыз олимпиадаларда да уңышлы катнашалар. 7 нче сыйныф укучысы Шкурко Ксения рус теленнән республика олимпиадасында призер булды.

Олимпиадалар, тикшеренү эшләре күп көч, тырышлык таләп итә торган хезмәтләр. Ул барлык укучыларның да көченнән килми. Бик тапкыр, зирәк, фәнни эшләрне яратучылар гына җиңеп чыга, югары нәтиҗәләргә ирешә. Безнең укучылар шундыйлар рәтендә!

Мингалеева Эльвина,

8 нче Б сыйныфы укучысы