Сабыйга

Көз турында шигырьләр

Менә көз килде.

Салкынча, җилле.

Агачларда яфраклар

Саргайды инде.

***

Көз көннәре килеп җитте,

Хушлашабыз җәй белән.

Бөтен җиргә яфраклардан

Алтын келәм җәелгән.

***

Кем ничектер, мин үзем

Яратам елның көзен,

Бик еш болытлар каплап

Торса да саф күк йөзен,

Иссә дә ачы җилләр,

Койса да салкын яңгыр.

Нигъмәткә бай алтын көз

Ямьлерәк күк барыбер.

***

Яфракларны күр әле

Алтын төскә кергәннәр.

Бар дөньяны күмгәннәр.

Җил чыкканда шаулашалар,

Оча-оча уйнашалар,

Һавада әйләнәләр

Һәм җиргә сибеләләр.


Яшелчәләр турында табышмаклар

Ул җир астына төшкән,

Кып-кызыл булып пешкән.

Ашка тәм һәм төс бирер,

Аны кем белер?   (Чөгендер)

***

Түгәрәк ул, ай түгел,

Сары, тик кояш тугел.

Тәмле, тик алма түгел,

Койрыклы, тычкан түгел. (Шалкан)

***

Утыра бер ак чүлмәк,

Өстенә кигән йөз күлмәк. (Кәбестә)

***

Чәчәге агачында,

Алмасы тамырында. (Бәрәңге)

***

Түгәрәк кенә кызыл йорт,

Эче тулы корт. (Помидор)

***

Җир астында алтын казык. (Кишер)

***

Келәте бар, малы юк,

Баласының саны юк. (Кабак)