Изгелек кыл

Язгы игелеклелек атналыгы

Нәрсә соң ул игелек? Игелек – ул яхшылык, изгелек, нәрсәдер өмет итмичә дә эшләнгән матур гамәл. Кеше үзенеӊ эчке халәте белән һәрвакыт нәрсәгәдер мохтаҗ – җылы сүзгә, назга, якын карашка, кайгы-хәсрәтне уртаклашуга яки шатлыкны бүлешүгә...

13 нче май көнне гимназиябездә “Язгы игелеклелек атналыгы” кысаларында 1б сыйныфында “Нәрсә ул игелек?” исемле дәрес үтте. Чараны педагог-психолог Саляхова Э.Ф. үткәрде. Дәрес барышында укучылар “яхшылык”, “игелек” сүзләренең мәгънәсе турында фикер алыштылар. “Кот Леопольд” мультфильмын карадылар.

Ә 14 нче май көнне “Язгы игелеклелек атналыгы” һәм Җиңү көне уңаеннан, махсус хәрби операциядә катнашучыларга ярдәм йөзеннән макулатура җыелды. Чарада барлык сыйныфлар да бик актив катнаштылар.

Нәтиҗәләр түбәндәгечә билгеләнде:

1 урын – 7б сыйныфы;

2 урын – 5а сыйныфы;

3 урын – 6в сыйныфы.

Ярминкәдә җыелган акча махсус хәрби операциядә катнашучыларга ярдәм буларак җибәреләчәк.

14-16 май көннәрендә “Батарейка җый һәм керпене коткар” акциясе узды. Укучылар өйләреннән тотылган батарейкалар алып килделәр. Әлеге акциядә 2б, 9в, 4Б, 7в, 6б, 5в, 11а, 5а, 7б, 7а, 3б, 2а, 4а, 8а, 2в, 4в сыйныф укучылары актив катнаштылар. Нәтиҗәдә иң күп батарейка җыючы сыйныфлар билгеләнде:

1 урын – 3б сыйныфы;

2 урын – 8а сыйныфы;

3 урын – 2б сыйныфы.

Җыелган батареяларның гомуми авырлыгы 43 кг 35гр тәшкил итте.

15 нче май көнне гимназиябездә Игелеклелек ярминкәсе оештырылды. Чарада әти-әниләр, укытучылар, укучылар катнашты. Укучылар берсеннән-берсе файдалы, матур кул эшләре алып килгәннәр иде.

Гимназия администрациясе “Язгы игелеклелек атналыгы” акциясен оештыручыларга һәм анда катнашучыларга зур рәхмәт белдерә!

Шуны истә тотыгыз: игелек кылу – көчсезлек билгесе түгел, дөньяны яхшы якка үзгәртүче кешелек сыйфаты. Юкка гына борынгылар изгелек ит тә суга сал: балык белер, балык белмәсә халык белер димәгәннәр!