Котлаулар

1 нче Май – Яз һәм хезмәт бәйрәме белән тәбрик итәбез!

Татар халкы: “Агачны яфрак, кешене хезмәт бизи”, – дип юкка гына әйтми. Без кайда гына яшәсәк тә, нинди урыннарда эшләсәк тә, һәрберебез үз хезмәтебезне намус белән башкарабыз.
Барыбыз өчен дә май бәйрәмнәре яңарыш, яхшылыкка өмет һәм ышаныч булып торсын. Әлеге җылы яз көннәре дуслар һәм якыннар белән очрашу шатлыгы белән тулылансын, яңа яшәү көче бирсен. Барыгызга да саулык-сәламәтлек, имин көннәр һәм эшләрегездә уңышлар телибез!

Кадерле дуслар!

Сезне Бөек Җиңү көне белән котлыйбыз.

Без Ватан өчен гомерләрен биргән солдатларның батырлыгына һәм сугыш елларының авырлыгын үз җилкәләрендә күтәргән тыл хезмәтчәннәренең ныклыгы алдында баш иябез.

Аларның батырлыгы – тарих бите генә түгел, ә безгә һәм киләчәк буыннар өчен әхлакый ориентир. Бүген, дистә еллар элек кебек үк, "Җиңү" сүзе бердәмлек, рух көче һәм дөреслеккә ышаныч символы буларак яңгырый. Бу Бөек Җиңүнең 80 еллыгы һәм Ватанны саклаучылар елында аеруча актуаль.

Безнең бурыч – тарихи дөреслекне саклау һәм тынычлык сагында тору. Безнең сугышчылар, махсус хәрби операциядә катнашучылар, җиңүчеләр буынының традицияләрен дәвам итәләр, шул ук батырлыкны һәм Ватанга тугрылыкны күрсәтәләр.

Бу көнне һәр йортта рәхмәт сүзләре яңгырап торсын, ә гаиләләрдә батыр туганнарны искә төшерсеннәр. Сезгә нык сәламәтлек, күңел җылысы һәм иртәгесе көнгә ышаныч телибез.

Кадерле чыгарылыш сыйныф укучылары!

Соңгы кыңгырау ул – урта мәктәпне тәмамлап, зур тормышка, олы дөньяга юлланган укучыларны алдагы көннәрнең гаҗәеп матур да, тынгысыз да, соклангыч һәм авыр да булачагын искәртеп тора кебек. Бу чың аларның кадерле укытучылары белән хушлашу авазы да. Нәкъ менә “Соңгы кыңгырау” бәйрәме безнең күңелләребездә укытучылар, сыйныфташлар һәм мәктәп еллары турында якты хәтирә булып сакланып калучы бәйрәм.

Кадерле чыгарылыш сыйныф укучылары, Сезгә күңел күтәренкелеге, оптимизм, үз-үзегезгә ышаныч, иҗади илһам, якты киләчәк һәм уңышлар гына телибез! Хәерле сәгатьтә!