Яңалыклар
3 нче март көнне
1 нче “А” сыйныфында "Әлифба бәйрәме" узды.
.JPG)
"Мөһим мәсъәләләр турында сөйләшүләр" үткәрелде. Бүген дәрес Халыкара хатын-кызлар көненең тарихы, аның традицияләре турында иде һәм «Халыкара хатын-кызлар көне» дип аталды.
.JPG)
Экология отряды 2 нче “В” сыйныфында экологик турнир үткәрде. Укучылар кызыклы биремнәр чиштеләр.
4 нче март көнне
“Россия мәктәпләрендә кинодәресләр” исемле проект кысаларында башлангыч сыйныфлар «8 нче март» исемле фильм карадылар. Соңыннан бергәләп фильм эчтәлеге буенча фикер алыштылар.
.JPG)
5 нче “А” сыйныфы укучылары Заманча сәнгать галереясында экскурсиядә булдылар. Укучылар «Михаил Девятаев батырлыгы канатлары» дигән күргәзмә карадылар.
7 нче март көнне укучылар арасында Халыкара хатын-кызлар көненә багышланган бәйгеләр узды.
Башлангыч сыйныфларда “Әнием өчен иң матур открытка”, ә урта сыйныфларда “8 нче март белән, хөрмәтле укытучылар!” плакатлар һәм открыткалар бәйгеләре үткәрелде.
5-8 нче сыйныф кызлары арасында “Ягез әле, кызлар!” бәйгесе үткәрелде. Укучы кызлар төрле биремнәр үтәп, үзара көч сынаштылар: сорауларга җавап бирделәр, кызыклы биремнәр үтәделәр, чәч үрделәр, төймә тагу осталыкларын күрсәттеләр.
10 нчы март көнне
Гимназиядә дүшәмбе иртәсе традицион рәвештә РФ һәм ТР Дәүләт флагын күтәрү һәм гимнны башкару белән башланды. Тантанадан соң барлык сыйныфларда "Мөһим мәсъәләләр турында сөйләшүләр" узды. Бүген дәрес Россиядә үткәрелә торган массакүләм спорт чаралары, сәламәт яшәү рәвеше алып бару, спортның кеше шәхесенә йогынтысы турында иде һәм «Россиядә массакүләм спорт» дип аталды.
12 нче март
көнне гимназиябез укучылары, мәктәп укучылары арасында уздырыла торган, бадминтон турнирында катнаштылар. 1-4 сыйныф укучылары арасында командабыз 2 нче урынга лаек булды.
“Россия мәктәпләрендә кинодәресләр” исемле проект кысаларында югары сыйныфлар «Хатлар» исемле фильм карадылар.
14 нче март
көнне 8 нче сыйныф укучылары Билалова Даяна һәм Минһаҗева Дәлия А.С.Тайсин исемендәге XIV Төбәкара фәнни-гамәли конференциядә 2 нче урын яуладылар.
17 нче март көнне гимназиябездә, традицион рәвештә, радиоэфир узды. Тапшыру барышында үткән атна яңалыклары яңгырады, яңа атнада узасы чаралар тәртибе искәртелде. Шулай ук истәлекле даталар турында да мәгълүматлар яңгырады.
"Мөһим мәсъәләләр турында сөйләшүләр" узды. Дәрес ил тарихына карата хөрмәт һәм кызыксыну, “Артек” халыкара балалар үзәге, Кырым һәм Севастополь турында иде һәм «Россия Федерациясендә Кырым һәм Севастопольнең Россия белән кушылу көне» дип аталды.
“Кырым турында сөйләшүләр” исемле интеллектуаль уен үткәрелде. Укучылар төрле категорияләрдәге сорауларга җавап бирделәр, белемнәрен сынадылар.
“Россия мәктәпләрендә кинодәресләр” исемле проект кысаларында башлангыч сыйныфлар «Экзамен» исемле фильм карадылар. Соңыннан бергәләп фильм эчтәлеге буенча фикер алыштылар.
Бөек Җиңүнең 80 еллыгына багышланган «Иминлек тәгәрмәче» район конкурсында катнаштык. Гимназиябез командасы бәйгедә лауреат, ә иҗади бәйгедә Кәримова Азалия 4 нче урынга лаек булды.
Март аенда һәрбер сыйныфта Татарстан Республикасында игълан ителгән Ватанны саклаучылар елына һәм Бөек Ватан сугышында Җиңүнең 80 еллыгына багышланган “Ватанга хезмәт итү – изге бурыч” дип исемләнгән Парламент дәреселәре узды.