Ял иткән арада

Ял иткән арада

Казанда май яллары – кыштан соң шәһәр җанлана торган вакыт: парклар ачыла, навигация башлана, фестивальләр һәм спорт вакыйгалары уза. Менә берничә идея, нәрсә белән шөгыльләнергә була:

Гаилә чаралары

Казансу яр буендагы «Елмай» балалар паркында шул исемдәге гаилә фестивале уза. Программада: концертлар, киносеанслар, мини-футбол турнирлары, йога, «Бәләкәч-фест» коляскалар фестивале һәм башка активлыклар. Тематик зоналар бар: Игелек ярминкәсе, ял утраулары. Керү ирекле.

Спорт вакыйгалары

«Урам» экстрим-паркы җәйге сезонны ачты. Биредә ВМХ яки скейтбордта шуарга, баскетбол уйнарга, иҗади мастер-классларда һәм ярышларда катнашырга мөмкин. Яки дуслар белән уйнарга, йөгерергә, ә кызларга матур фотографияләр төшерергә була.

Сәфәрләр һәм парклар

1 майда навигация ачыла, шуңа күрә Идел һәм Казансу буйлап сәяхәткә чыгарга мөмкин. Маршрут Казан Кремлен, «Казан» гаилә үзәген, «Миллениум» күперен һәм башка истәлекле урыннарны үз эченә ала.

Казан паркларында җәйге программа башлана. Мәсәлән, «Черное озеро» паркында 1 майда кофейня, сувенир, китап һәм бренд кибетләре белән җәйге йорт эшли башлый, шулай ук суга җибәрү өчен корабль модельләре прокаты белән «капитаннар клубы» ачыла.

Музейлар һәм экскурсияләр

Татарстан Республикасы Милли музее һәм аның филиаллары май бәйрәмнәренә төрле чаралар әзерләделәр. Мастер-классларга барырга, экскурсияләрдә яки кызыклы интерактив программаларда катнашырга мөмкин (коллектив заявкалар буенча).

Зооботаника бакчасы

1 майдан Казан зооботаника бакчасы җәйге эш режимына күчә: ул 8:30дан 20:00гә кадәр ачык (кассалар 19:00гә кадәр эшли). Монда сирәк очрый торган хайваннарны күрергә, ә контакт почмагында аларның кайберләре белән якыннанрак танышырга була. Әти-әни күзәтүе астында гына сыйпарга һәм ашатырга.

Сайлау буенча киңәшләр

· Әгәр һава торышы болытлы яки яңгырлы булса, музейларны, театрларны яки аквапаркны сайларга кирәк.

· Балалы гаиләләр өчен «Елмай» паркы, зооботаника бакчасы, «Әкият» курчак театры ярый.

· Актив ял итәргә яратучыларга марафонга, «Урам» экстрим-паркына яки теплоходта йөрүгә игътибар итәргә кирәк.

Ничек кенә булмасын, тән белән генә түгел, күңел белән дә ял итәргә кирәк! Бу мәҗбүри факт!

5б сыйныфы укучылары