Октябрь 2026 ел
![]() |
Укытучым килә янәшә
|
Гомеремнең тәүге язларыннан, Әткәм-әнкәм белән янәшә, Берәү яши һаман күңелемдә, Үткәннәрдән кайтып эндәшә. *** |
Ул өйрәтте каләм тотарга һәм Тәүге сызыкларны сызарга. Ул өйрәтте хәрефләрне теркәп, Иҗекләрдән сүзләр язарга. *** |
|
Хәтеремдә, курка-курка гына Классыма килеп кергәнем. Хәтеремдә шулчак, беренче кат, Якты йөзен аның күргәнем. *** |
Күзәтте ул һаман гомерем юлын, Ялгышларым булса, төзәтте. Хезмәт яратырга, туган җиргә Тугрылыкка мине өйрәтте. *** |
|
Дәреслекне ачкач аптыравым, Нәүмизләнеп каушап калуым. Хәтеремдә, аның әкрен генә Иңнәремә кулын салуы... *** |
Кыенлыклар килсә, әле дә ул: " Бирешмә!"- дип, гүя, эндәшә. Күңелемдә шулай гомерем буе Укытучым килә янәшә. Резеда Вәлиева |
|
Һәр елны 5 октябрьдә бөтен дөнья буенча Укытучылар көне бәйрәм ителә. Бу көн — укытучыларга чиксез рәхмәт белдерү, аларның фидакарь хезмәтен бәяләү һәм ихтирам күрсәтү көне. Татар халкында укытучыга карата мөнәсәбәт һәрвакыт аерым булган: «Укытучы — мәктәпнең йөрәге, укучы — аның җаны» дип юкка гына әйтмәгәннәр. Укытучы — ул бары тик дәрес бирүче генә түгел. Ул — бала күңеленә белем орлыклары салучы, аның характерын формалаштыручы, тормыш юлында юл күрсәтүче, авыр мизгелләрдә терәк булучы иң изге кеше. Укытучының һөнәре — ул сәнгать, ул — иҗат, ул — мәхәббәт. |
